Friday, June 14, 2024

لطائف و ظرائف

لطائف و ظرائف

عرض مرتب و ناشر

بسم الله الرحمن الرحيم

الحمد لحضرة الجلالة والنعة لخاتم الرسالة

لطافت انسانی فطرت ہے لطیف و پاکیزہ مزاح آنحضرت صلی اللہ علیہ وسلم سے بھی ثابت ہے مگر آپ صلی اللہ علیہ وسلم کے مزاح میں کوئی بات خلاف واقعہ یا مخاطب کی دل آزاری کا باعث نہ ہوتی تھی.

مثلاً آپ صلی اللہ علیہ وسلم نے اونٹ مانگنے والے ایک صحابی رضی اللہ عنہ سے ارشاد فرمایا کہ میں تمہیں اونٹنی کا بچہ سواری کے لئے دے سکتا ہوں وہ صاحب حیران ہوئے تو آپ صلی اللہ علیہ وسلم نے یہ فرما کر ان کی حیرانی دور فرمادی کہ ہر اونٹ اونٹنی کا بچہ ہوتا ہے… ہمارے دور کے مجد دوقت حکیم الامت حضرت مولانا شاہ محمد اشرف علی تھانوی نور اللہ مرقدہ ایک جامع کمالات ہستی تھی۔ آپ اپنی مبارک مجلس میں علمی حقائق فقہی مباحث اور تصوف کے نکات عجیبہ کے علاوہ اتباع سنت اور حاضرین کی نشاط طبع کے لئے کوئی لطیفہ یا مناسبت لفظی کا حامل کوئی ایسا ذو معنی جملہ بھی کبھی کبھی ارشاد فرما دیا کراتے جس سے پوری محفل زعفران زار بن جاتی . ان جملوں میں مزاح کے ساتھ ادب کی چاشنی بھی ہوتی ۔ اس سے معلوم ہوا کہ ظرافت شان درویشی یا علم وفضل کے منافی نہیں بلکہ متین و لطیف ظرافت خوش مزاجی اور شگفتہ دلی کی علامت ہے.

لطیف و پاکیزہ مزاح سے آپس میں محبت بڑھتی ہے اور چھوٹوں کو اپنے بڑوں سے بات کرنے کا حوصلہ بلکہ سلیقہ حاصل ہوتا ہے صحابہ کرام رضی اللہ عنہم سے آنحضرت صلی اللہ علیہ وسلم کے مزاح فرمانے کی ایک وجہ یہ بھی بیان کی گئی ہے کہ اس سے لوگوں کو مانوس بنانا مقصود تھا۔ ورنہ آ نحضرت صلی اللہ علیہ وسلم کے رعب سے لوگ کھل کر دل کی بات نہ کہہ سکتے. حکیم الامت حضرت تھانوی نور اللہ مرقدہ کی لطیفہ گوئی یا بذلہ سنجی اور لطافت و ظرافت بھی اسی طرح کے فوائد پر مشتمل ہوتی تھی۔

آپ کی مجلس کے یہ لطائف و ظرائف جہاں پڑ مردہ چہروں کو پر رونق بناتے ہیں وہاں مردہ دلوں کو زندگی بھی بخشتے ہیں۔ بقول رمزی اٹاری تری حاضر جوابی سے ہر اک مسرور ہوتا تھا سادہ سا فقرہ مصرعہ منشور ہوتا تھا

چنانچہ احقر کی ایک عرصہ سے خواہش تھی کہ حضرت والا کے مواعظ و ملفوظات سے علمی لطائف و ظرائف منتخب کر کے یکجا شائع کر دیے جائیں تا کہ اہل علم کے علاوہ عام لوگ بھی ان سے مستفید ہو سکیں…

یہ عرض کر دوں کہ عرصہ ہوا کہ محترم جناب صوفی محمد اقبال قریشی صاحب مدظلہ نے بھی اشرف اللطائف“ کے نام سے ایک چھوٹا سا کتابچہ شائع کیا تھا اور احقر نے بھی حکیم الامت کے حیرت انگیز واقعات کے نام سے ایک کتاب ترتیب دی تھی اس میں بھی ایک باب اشرف اللطائف کے نام سے دیا تھا اب ان دونوں میں سے کافی حصہ اس میں لے لیا گیا ہے… آخر اس نعمت عظمیٰ کا اظہار بھی کر دوں کہ اس کتاب کا مسودہ کا کافی حصہ کمپیوٹر کتاب ہو چکا تھا کہ بتوفیقہ تعالی حرمین شریفین کے سفر کی سعادت نصیب ہوئی تو یہ ضروری سمجھا کہ اپنے شیخ و مربی ادام اللہ فیوضہ کے گوش گزار کر دوں یا ملا حظہ اقدس سے گزار دوں، میری مراد عارف باللہ سیدی و مرشدی حضرت ڈاکٹر حفیظ اللہ مہاجر مدنی ادام اللہ نیوضہ (جو کچھ عرصہ سے مدینہ منورہ زاداللہ شرفا وعزت ہجرت فرما چکے ہیں)

خدمت اقدس میں پیش کیا …

حضرت والا نے انتہائی احسان فرمایا کہ مکمل مسودہ ملاحظہ فرمایا اور اس کی

اشاعت کے ارادہ پر اظہار مسرت فرمایا اور دعادی…

چونکہ یہ مجموعہ حضرت حکیم الامت تھانوی کے علوم و معارف سے مقتبس ہے … اس لئے اس کے بارے میں لب کشائی یا مدح سرائی کی مطلق ضرورت نہیں البتہ احقر مراتب علم سے بالکل نابلد ہے نہ جانے انتہائی کوشش کے باوجود تر تیب اور تصحیح میں کس قدر اغلاط رہ گئی ہوں گی قارئین کرام سے التماس ہے اگر وہ اطلاع فرما دیں تو احسان عظیم ہوگا اور دعائیں دوں گا۔ بس اللہ جل شانہ کی بارگاہ میں الحاح والتجا اور دعا ہے کہ وہ اسے شرف قبول نصیب فرما دیں اور ذریعہ نجات بنا دیں. میرے والدین ماجدین اور میرے مشائخ کرام سے خصوصی رحمت کا معاملہ فرمادیں آمین … اس نئے ایڈیشن کی تصحیح کے ساتھ ساتھ جناب محترم محمد راشد صاحب

(ڈیرہ اسماعیل خان) نے ایسے مزید لطائف جمع کر کے ارسال فرمائے جو جز و کتاب بنا دیئے گئے ہیں (فجزاه الله خيرا الجزا) یوں یہ ایڈیشن سابقہ ایڈیشن کے مقابلہ میں کافی جامع انداز میں پیش کیا جارہا ہے جس میں حکیم الامت حضرت تھانوی رحمہ اللہ کے لطائف . مزاحیہ حکایات کے علاوہ اکا بر اور مشاہیر امت کے لطائف بھی شامل کر دیئے گئے ہیں

والسلام محمد الحق غفر له

ربیع الاول، ۱۴۳۸ھ

بمطابق دسمبر ۲۰۱۶ء

Lataif wa Zaraif

آن لائن پڑھیں

ڈاون لوڈ پی ڈی ایف

 

RELATED ARTICLES

Leave a Reply

This site uses Akismet to reduce spam. Learn how your comment data is processed.

توجہ فرمائیں eislamicbook healp

Most Popular

درجہ بندی کیٹگری

Amliyat42Arabic books26Audio Books || آڈیو کتابیں9Beliefs || عقائد124Biographies of great people || سیرت اکابر146Biography || سیرت3Biography of Hazrat Muhammad || سیرت رسول صلی اللہ علیہ وسلم70Biography of the Companions || سیرت صحابہ109Biography of the Prophets || سیرت انبیاء29Books in other languages1Children || بچوں کے لیے31Corners of human life || انسانی زندگی0Dajjaliyat Signs of Doomsday || دجالیت علامات قیامت39Dars e Nizami various books || درس نظامی مختلف کتب215Denying the hadith || فتنہ انکار حدیث20Dictionaries || لغات اور ڈکشنری42Economy || معیشت36English Books254Fatawa || فتاوٰی39Gardening || گارڈننگ37Hadith || حدیث39Hajj Umrah || حج عمرہ40Hakeem Muhammad Iqbal56Health14Health || طب و صحت208History7History || تاریخ141Jurisprudence || فقہ2Jurisprudential issues || فقہی مسائل174Latest || تازہ ترین2741Magazine || میگزین19Magic giants || جادو جنات52Novel || ناول47Nukat e Quran10Nukta17Online Quran Teaching32Poetry || شاعری7Politics || سیاست70Principles of Hadith || اصول حدیث48Principles of Jurisprudence || اصول فقہ28Quran || قرآن70Quranic Sciences || علوم قرآن62Roza/Ramazan || روزہ56Sabaq.pk4Sacrifice || قربانی19Salah || نماز55School Books41Science and technology || سائنس و ٹیکنالوجی36Selected columns || منتخب تحریریں6Sermons and advice || وعظ و نصیحت283Shah Waliullah || شاہ ولی اللہ محدث دہلوی40Society || معاشرت48Sources of Hadith || مصادر احادیث39Traditions || رسومات23Translations and interpretations || تراجم وتفاسیر118Travelogue || سفر نامے10Türkçe (Turkish)4Videos || ویڈیوز86Women || خواتین29Worship || عبادات41Zakat || زکوٰۃ11Zikrullah Prayers || اذکار و دعائیں50Русский(Russian)4د پښتو3قانون مفرد اعضاء48مختلف کتابیں1264مولانا سید عبدالوہاب شیرازی کی کتب27हिन्दी(Hindi)7中文书籍 Chinese6